Martröð my a..

Voðaleg dramatík er í öllum fyrirsögnum um leikinn í gær. Mætti halda að það væru eintómar dramadrottningar sem skrifuðu íþróttafréttirnar .

Fréttablaðið slengir fram "Harmleikur í Hamborg", mbl.is talar um "Martröðina frá Kumamoto" og að "Draumurinn sé úti" - erðanú.
Blaðið minnist ekki einu orði á leikinn, eða handbolta yfir höfuð. Hélt ég hlyti að vera að lesa eldgamalt Blað en svo var ekki. Kannski fínt fyrir antisportistana að þurfa ekki að fletta framhjá opnu eftir opnu um handboltaleik í details.

Minni svo bara á að þetta er ekki búið, strákarnir okkar eiga ennþá baráttu fyrir höndum og vonandi koma þeir sterkir til leiks annað kvöld og rústa Rússunum.

Áfram Ísland...

B

Martröðin frá Kumamoto endurtók sig

Ótrúlegur leikur!

Ég er viss um að lífið mitt hefur styst um a.m.k. 4 vikur, hjartað er alla vega búið að slá fyrir næsta mánuðinn!

Strákarnir okkar voru hreint ótrúlegir! Leikurinn hefði varla geta verið jafnari, þetta hefði geta lent hvorum megin sem var og með pínkuponsulítilli heppni hefðum við haft þetta.
(hendurnar skjálfa svo ég get varla pikkað)

Til hamingju Snorri Steinn, þú varst svo sannarlega maður leiksins.
Vil samt bæta því við að mér þótti þeir allir standa sig frábærlega, vona að þeir nái að sjá það sjálfir þegar mestu vonbrigðin eru runnin af þeim.
Því þetta er nefnilega ekki búið, Rússar á fimmtudaginn og svo vonandi keppni um 5.sætið.

Ég er ennþá ósátt við Geir sem leiklýsanda og legg til að RÚV ráði sér nýjan fyrir næsta leik. Þóttu viðtölin við Snorra Stein og Guðmund bara neikvæð og leiðinleg og er ánægð með Guðmund að hafa ekki látið hann ná sér í einhverja neikvæðni og gagnrýni.

Sama hvernig fór og mun fara þá er þetta ein besta skemmtun sem ég veit. Verst bara hvað þetta tekur á taugarnar.

Þar til næst...

B

Draumurinn úti í Hamborg - Danir sigruðu

Mig hrjáir

Blogglegt andleysi eða andlegt bloggleysi.

Kannski að handboltinn sogi frá mér alla tjáningarþörf?
Veit að ég fæ útrás fyrir ýmiss tjáningarform yfir leikjunum. Þetta eru einu skiptin sem ég öskra, garga, græt og hlæ án þess að það skipti mig nokkru máli hvað öðrum gæti þótt um það.
Nema kannski þegar dóttirin laumaði að mömmunni að hún væri næstum því hrædd við hana.
Þá reyndi ég að hemja mig.
Í 40 sek.
Þá var skorað og ég missti stjórnina. Og saknaði hennar ekkert.
Knúsaði sponsið bara vel og lengi eftir leikinn og svei mér ef hún var ekki bara komin í ham þarna undir lokin.

Áfram Ísland!

B

Stjörnumerkin

Dýrahringurinn byrjar á Hrútnum og endar á Fiskunum. Byrjar illa og endar enn verr, fer úr kjafthætti og frekju yfir í væmni og óákveðni. Talandi um að fara úr öskunni í eldinn, alla leið frá hræðslulausri rollu yfir í rollulegan fisk!

----------------------------------------- 

Hrútsmerkið er rolla, ég meina karlkyns rolla þ.e. hrútur.  Rollulegheit eru aftur á móti ekki að finna í eðli Hrútsins (sjá frekar fiskinn).  Frekja er í eðli hrúta - ójá. Rollur segja Meeee.  Hrútar segja Meeeeeessaðu EKKI í mér.. og þú ættir að sleppa því... hornin geta meitt!
Allir hrútar eru ýtnir og halda að þeir viti allt betur en aðrir þeir ryðjast t.d. alltaf á undan í röð... tramp tramp, skvamp og ýt ýt, komast áfram, vera fyrstir - jebb, það er best að koma sér bara úr veginum.

Hrútsmerkið stjórnast af Mars, sem er guð af "Ég vinn, þú tapar"-heimspekinni. 

----------------------------------------- 
Nautið er karlkyns belja, ég meina þá auðvitað naut.  Beljur gefa manni mjólk, naut gefa manni ósköp fátt nema kannski blakandi nasavængi og hvöss "ég-rek-þau-í-gegnum-þig" horn. Nautin taka það sem þau vilja, þegar þau vilja það - matinn þinn, uppáhaldsstólinn þinn, tíma þinn, orku þína, peningana þína, dótið þitt - þau eiga þetta allt og mega allt. Nautin fljóta í gegnum lífið og éta allt sem á vegi þeirra verður. Sjálfselsku ónytjungar!

Nautsmerkið stjórnast af Venus sem er gyðja dóts og fjármuna.

----------------------------------------- 
Tvíburarnir eru alltaf kleyfhuga geðsjúklingar.  Þeir geta ekki staðið kyrrir í eina mínútu og svo ljúga þeir stöðugt! Fljóthuga, óákveðnir, flöktandi og algerlega gersamlega klikkaðir. Ekki umgangast tvíbura til lengdar nema þú viljir verða endanlega geðveikur. 
Hann elskar mig, hann elskar mig ekki, hún elskar mig, hún elskar mig ekki. Þú munt aldrei vita rétta svarið.

Tvíburamerkið stjórnast af Merkúr, guði geðsjúkra hugarleikja.

----------------------------------------- 
Krabbamerkið er krabbi og það er ekkert flókið. Röfl, væl og kvartanir, endalaus fyrirtíðaspenna, hvort sem um er að ræða karlkrabba eða konudýr. Einstaka sinnum þegar tunglið er í réttri stöðu verður krabbinn öskrandi geðveikur. Það er eina hvíldin frá endalausu vælinu í honum. Ekkert er nógu gott, enginn hjálpar nógu mikið til, þú borðar ekki nógu vel, bla bla bla. Það er ekki hægt að þóknast þessu liði. Eina lausnin er að stinga þeim ofan í brennheitt vatn og sjóða þá í potti.

Krabbamerkið stjórnast af hinu spúkí tungli og hinum villtu, vanþakklátu sjávarföllum.

----------------------------------------- 
Ljón eru einfaldlega villidýr.  Ljón spranga um eins og herrar og ungfrúr, fullkomin, alveg eins og heimiliskötturinn þinn. Ég meina, líttu á köttinn þinn - til hvers eru kettir eiginlega? "Gefðu mér að borða. Sjáðu á mér hárið. Er ég ekki fullkomin? Klappaðu mér, elskaðu mig, leiktu við mig - farðu svo" - hvæs, klór.  Þau leika ekki listir, gera ekki það sem þú segir þeim og þau fara úr hárum. Það er allt og sumt.

Ljónsmerkinu er stjórnað af sólinni, herra Geisla sjálfum.

----------------------------------------- 
Meyjur eru ekki skemmtilegar.  Þær eru hreinar og fölskvalausar og mjöööög smámunasamar. Ekkert og enginn er nógu góður fyrir Meyju.  Þær stara á þig með borandi augnaráði og muna alla þína veikleika og galla.  Þær þykjast vera vinir þínir og hjálpa þér en allan tímann eru þær flissandi og hlæjandi bakvið þig.  Ekki treysta þeim í eina mínútu !

Meyjan stjórnast af Merkúr sem er guð ofurjafnvægis.

----------------------------------------- 
Fólk í voginni er alltaf allt úr jafnvægi.  Þær reyna og reyna að gera hlutina rétt en þeim tekst það aldrei.  Þær bæta smá öðru megin á vigtina, pínu hinum megin og aðeins í viðbót þangað til að þær eiga svo mikið af drasli að þær verða að halda bílskúrssölu eða leigja bás í Kolaportinu. En það gera þær auðvitað aldrei og þær vilja alltaf aðeins meira. Meiri ást, meiri skartgripi, meira gaman, meiri peninga, meiri fegurð, fleiri vini.....

Vogin stjórnast af Venus - sem er gyðja fegurðar sem á fullt af frábæru dóti.

----------------------------------------- 
Sporðdrekamerkið er vondur, stingandi sporðdreki, eitrað meindýr, undirförult og hættulegt sníkjudýr myrkursins. ALDREI treysta sporðdreka.  Sporðdrekar treysta þér ekki og þeir drepa þig án þess að hugsa sig um tvisvar.  Ef þú ferð vel með þá gætu þeir hugsanlega orðið þokkaleg gæludýr - ef þeir eru í búri auðvitað.  Sporðdrekinn læðist um allt óséður, kemst inn í hugsanir þínar og drauma og stelur þeim eins og þjófur um nótt. Ertu ekki hrædd(ur)?

Sporðdrekinn stjórnast af Plútó sem er guð kjarnorkusprengjunnar.

----------------------------------------- 
Bogmaðurinn er sjálfhverfur, trampandi og hneggjandi hestur.  Forðaðu þér úr veginum... af því flest allir Bogmenn eru með augnskjól svo að þeir geta ekki horft til hliðanna og sjá ekkert yfir hvað þeir eru að koma sér í.  Þeir segja líka alltaf nákvæmlega það versta sem hægt er að segja í stöðunni einsog; "hei-þú ert miklu ellilegri og feitari en síðast þegar ég sá þig" eða "hvað er þetta eiginlega þarna framan í þér?"  Þetta er ekki hreinskilni, þetta er bara grimmd.

Bogmannsmerkinu er stjórnað af Júpiter, hinum upphaflega "ég veit allt best"!

----------------------------------------- 
Steingeitin er geit.  Leiðinda frek steingeit.  Svona geit sem lítur út fyrir að vera gömul og svikul.  Þær hengslast upp fjallið já, já, með öllum þeim undirförlu og andstyggilegu trikkum sem þeim dettur í hug.  Svo eru þær með uppkrulluð horn, alveg eins og djöfullinn sjálfur.  Steingeitur nota og misnota þig á alla mögulega vegu til þess að fá sínu framgengt. Þeim er alveg sama þótt þær þurfi að éta sorp eða þótt það taki óralangan tíma, þeir skulu bara ná sínu fram.

Steingeitin stjórnast af Satúrnusi, hinni eilífu föðurímynd.

----------------------------------------- 
Vatnsberinn er villtur vatnastrákur eða stelpa.  Þetta er fullkomlega ábyrgðarlaust fólk.  Þeir hafa einungis eina reglu; ef það er gott, þá gera þeir það.  Vatnsberar eru alltaf með flókin og greindarleg plön í gangi sem þeir síðan hlaupa frá án þess að hugsa sig um tvisvar.  Þeir segja þér eitt og láta síðan einhverja fáránlega hugmynd teyma þá alveg til Timbúktú.  Ekki einu sinni láta þér detta í hug að reyna að fylgja Vatnsbera eftir, þetta er blautt, sleipt og geðveikt lið.

Vatnsberinn stjórnast af Úranus, guði eldinga, rafmagns og hjólreiðamanna.

----------------------------------------- 
Fiskamerkið ... hmm, fiskur?  Eða, eiginlega tveir fiskar að synda í gagnstæða átt- alltaf týndir.  Fólk í fiskamerkinu lifir í stöðugum ótta vegna þess þeir vita að hættulegar fiskaætur leynast alls staðar.... fylgist bara með því hvernig þeir skjótast um, snarruglaðir og illa fyrirkallaðir.  Fiskar geta ekki verið á beinu brautinni í tvær sekúndur og þú þarft ekki annað en að henda út gómsætri beitu þá eru Fiskarnir mættir á sekúndubroti, tilbúnir að bíta á agnið. Auðveldir þessir Fiskar nefnilega (eiginlega eins og rollur).

Fiskarnir stjórnast af Neptúnusi, guði friðar, ástar og ruglings.

Og hafðu það Geir!

Hvað sagði ég? Hérna fyrir neðan? Ha?

ÞAÐ ER ALLT HÆGT!

Mikið lifandi skelfingar ósköp er gaman að horfa á svona leik - meira svona takk.

 

Íslendingar gjörsigruðu Evrópumeistaralið Frakka

Þori ekki að horfa!

Missti af fyrstu 20 mínútunum og það gengur svona rosalega vel. Er dauðhrædd um að ef ég fer að fylgjast með núna þá fari þetta allt í vaskinn.

Svo er ég ekki í happasokkunum heldur!

Íslendingar eru fimm mörkum yfir gegn Frökkum

Bévítans svartsýni

Sáu aldrei til sólar hvað?
Ég gat ekki betur séð en að okkur hefði gengið þokkalega í fyrri hálfleik...
Markvarslan til fyrirmyndar og leikurinn jafn en flottur.

Óþolandi að hlusta á leiklýsandann hjá RÚV, það mætti halda að hann hefði viljandi reynt að drepa fyrir manni stemninguna í leiknum.
Hann var búinn að gefa leikinn þegar við vorum 4 mörkum undir þó heilar 10 mínútur væru eftir og tönnlaðist á því að Úkraína færi áfram í milliriðil.

Geir! Það eru leikir á morgun líka!!!

Frábært að hlusta á Þorgerði Katrínu í HM-stofunni, Geir ætti að taka sér hana til fyrirmyndar. Jákvæð og bjartsýn og bað um að við myndum ekki dæma einstaka leikmenn fyrr en að keppni lokinni og benti á að:

ÞAÐ ER ALLTAF VON!

Þar til næst...

B - vongóð og bjartsýn

Íslendingar sáu aldrei til sólar gegn Úkraínu

Stjörnugjöf..

Hvað er málið með þessa stjörnugjöf við hverja bloggfærslu?
Eitthvað til að bæta enn á samkeppnina hérna á Moggabloggi?

Er ekki nóg að menn (sjaldnast konur) keppist um fjölda heimsókna, athugasemda og bloggvina - á nú að bæta við keppni um flest 5 stjörnu blogg?

Uss fuss, ég vil helst losna við þetta.

Þar til næst...

B - með stjörnustæla

Pælingar á sunndagskvöldi

Mér verður oft hugsað til þess hvað lífið hlýtur að hafa verið einfalt í gamla daga - þá meina ég meðan við vorum enn inni í torfkofunum.
Þá var hlutverk hvers og eins á hreinu frá fæðingu, hlutverkin kannski misjöfn eftir kyni en einföld og skýr.
Þú ólst upp með alla fjölskylduna kringum þig, margir ættliðir samankomnir í einu húsi og allir komu að uppeldinu. Þú fékkst að heyra sögu fjölskyldunnar og kynntist hvernig lífið var áður fyrr frá ömmu eða afa, jafnvel langömmu og langafa.
Á kvöldin komu allir saman og áttu quality tíma, án þess að hann þyrfti að skipuleggja sérstaklega.
Allir fengu næga hreyfingu og útiveru, enginn húkti inni allan daginn yfir einhverju óhollu sálinni. 

Enginn sagði við þig "þú getur orðið hvað sem þú vilt" og fyllti þig þannig kvíða yfir því að þurfa að komast að því hvað þú vildir verða - af því þú getur orðið læknir er þá nokkuð í lagi að langa að verða gröfukall?
Hugtakið valkvíði var heldur ekki til, í versta falli stóð valið um í hvorn fótinn þú steigst í fyrst - þann hægri eða þann vinstri.

Sameiginleg markmið allra í lífinu voru lífið - að lifa.
Og markmiðin voru allra. Þau stönguðust ekkert á milli persóna. Ábyrgðin var sameiginleg og hún var allra.

Ég er ekki að dásama þetta sem eitthvað draumalíf, því víst var þetta erfitt líf og ekki sjálfgefið en ég held að sálarflækjurnar hafi verið mun færri og auðleystari.
Lífið í heild sinni óflóknara.

Held að fólk hafi glaðst yfir minnu og jafnvel oftar en við gerum í dag.

Einstaklingurinn var varla til, nema sem hluti af heild.
Og heildin var fjölskyldan.
Held að við séum núna á öld einstaklingsins sem verður alltaf meiri og meiri einstaklingur. Það er alltaf lengra og lengra í næsta einstakling, jafnvel þó hann sitji við hliðina á þér.
Get ekki ímyndað mér hvernig þetta mun þróast en held að margir kvillar nútímans skapist af því að einstaklingurinn er svo hrikalega einn.

Þar til næst...

B

Lífið í réttri röð

Life...... I think the life cycle is all backwards.


You should start out dead and get it out of the way.

Then, you wake up in an old age home feeling better every day.

You get kicked out for being too healthy, go collect your pension, then when you start work & get a gold watch on your first day.

You work 40 years until you're young enough to enjoy your retirement.

You drink alcohol, you party, you're generally promiscuous and you get ready for High School.

You go to primary school, you become a kid , you play, you have no responsibilities, you become a baby, and then...

You spend your last 9 months floating peacefully in luxury, in spa-like conditions; central heating, room service on tap, larger quarters every day, and then, you finish off as an orgasm.


What a way to finish life