Meiri snjó, meiri snjó, meiri snjó

Þegar við vöknuðum í morgun var lífið orðið svolítið öðru vísi á litinn en það var þegar við fórum að sofa - það var hvítt!

Þetta er nýja útsýnið af veröndinni minni, rosalega gaman að sjá hvernig þetta útsýni hefur breyst á þessum mánuðum sem við höfum verið hérna. Þarf að setja inn myndasyrpu þegar við höfum verið hérna lengur.

Krakkarnir virðast hafa fundið lyktina af snjónum því þau voru komin á fætur fyrir allar aldir og rokin út.
Eva Dröfn fann nokkrar endur svamlandi á lækjarsprænunni í garðinum okkar og ákvað að þær hlytu að þurfa morgunmat eins og við. Hún byrjaði á að arka út með vonda  morgunkornið og bjóða þeim en þær vildu ekkert sjá það frekar en við. Hún náði þá í brauðið okkar og það þótti þeim almennilegt og hámuðu í sig eitt og hálft brauð. Þetta var ótrúlega gaman svona í morgunsárið og mikið stuð á öndunum.
Árni Reynir náði í heimasmíðaðan bát sem hann setti á flot. Var búinn að setja í hann lítinn fjársjóð og sá fyrir sér að einhver gutti á hinum endanum myndi finna hann síðar í sömu sögu. Reyndar fór ekki betur en svo að báturinn var næstum sokkinn en endaði reyndar með því að mara bara í hálfu kafi og flaut þannig eitthvað út í buskann.

Svo mokuðu þau allan snjó af stígnum og úr innkeyrslunni áður en þau fengu nóg af útiveru.

Nú verður spennandi að sjá hvort það bæti í snjóinn og skólarnir verði kannski bara lokaðir á morgun.

Nýjar myndir í desemberalbúminu.

Knús,
Birgitta

Athugasemdir

[Marta (IP-tala skráð) 2.12.2007 kl. 21:27]

Svindl, mig langar líka í svona Árstíðir...

[Hulda (IP-tala skráð) 2.12.2007 kl. 22:03]

Sammála Mörtu annað en hér á þessu skeri allt grámyglulegt

[Friðgerður og co (IP-tala skráð) 3.12.2007 kl. 09:30]

hæ kæra fjölskylda!

Gaman að sjá að gangi vel hjá ykkur.  Snjór , gaman, gaman, vild við hefðum það líka hér.  Allir byðja að heilsa. 

[Eva Dröfn, 3.12.2007 kl. 12:36]

jáháþetta var gaman ég gaf þeim líka í hádeigismat en ekki kvöldmat það var of dimmt!!!!                      

[Maria Rebekka (IP-tala skráð) 3.12.2007 kl. 16:55]

Hæ hæ...já við öfundum ykkur mikið af þessum snjó. Við erum að fara til Danmerkur á fimmtudaginn og erum að vona að það fari að snjóa þar á þeim tíma...sem er reyndar mjög ólíklegt...en allavega fáum við kuldann...því við erum enn í 20 stiga hita.