Ys og þys í Ameríku

5.12.2007 | 23:23

Jólahúsið

Langaði að sýna ykkur hvað húsið okkar er orðið fínt.
Mamma og pabbi hjálpuðu okkur að versla skrautið en fengu ekki að sjá hvað þetta kemur allt flott út.
Reyndar var svolítill Íslandsfílingur á þessu hjá okkur því það rigndi daginn eftir snjóinn og jörðin varð alveg auð. Í dag er búið að snjóa smá svo ég laumaðist út í rökkrinu og smellti þessum myndum af dýrðinni.

Undramundur er nú á flakki um Evrópu með pakkaviðkomu á Íslandi. Kannski ekki bara pakkaviðkomu en ég veit um ansi marga sem ætla að lauma á hann einhverju undir tréð okkar fína (sem er ekki komið upp).

Það eru allir orðnir mjög spenntir yfir jólaferðinni til Íslands. Við leggjum af stað á annan í jólum og lendum að morgni 27. Á laugardeginum verður svo haldið á Flúðir þar sem við ætlum að eyða áramótum með Döbbu, Árna, Rebekku, Gunna Spunna og Helenu Pelenu Pú.

Dagana fram að því eru börnin að plana að hitta vini sína og við Undri gamli kannski bara líka Wink .

Lýk þessu á myndum af litlu lærdómssnillunum:

Knús í kotin ykkar,

Birgitta

Flokkur: Vinir og fjölskylda | Facebook

Athugasemdir

En hrikalega ,,einsogútúrjólabíomyndarlegt"! Hreint út sagt æði. Best að druslast niður í kjælleren og finna einhverjar seríur, fékk móral að sjá hvað þetta er huggó hjá ykkur.

Ástarkveðjur úr rokinu á ísa köldu.....GG

Guðrún Gyða Árnadóttir, 6.12.2007 kl. 22:41