Flórída - here we come!

Það er mikil spenna í kotinu þessa dagana.
Eftir tvo daga keyrum við úr subbinu og slabbinu í Ardsley og höldum í sól og blíðu .
Og heil vika í fríi frá skólunum!

Við ætlum að keyra niðreftir, sáum að við gætum gert ansi margt fyrir andvirði flugfars og bílaleigubíls og ætlum því að leggja á okkur 19 tíma akstur. Tökum þetta í þrem leggjum á leiðinni niðreftir og tveim á leiðinni uppeftir aftur. Stoppum semsagt og gistum og tökum þessu rólega.

Veðrið hérna er búið að vera ferlega leiðinlegt. Í gærkvöldi var "snowstorm" (ca 4cm jafnfallin snjóföl og smá gola) og síðan í morgun er búið að rigna svona útlandarigningu, það er næstum eins og að ganga undir foss að fara út. Snjór í gær og rigning í dag = ökklahátt slabb yfir öllu.
Í fyrsta skipti er hægt að tala um að það sé á í garðinum hjá okkur, ekki lækur, vonandi sést áin okkar á myndinni.

Það er mest lítið að frétta annars. Bætti nýjum myndum í albúmið, mest einhverjar dýramyndir . Það er nefnilega ótrúlegt dýralíf í garðinum hjá mér. Um daginn hoppaði fálki upp á veröndina hjá mér, nánast beint í flasið á mér. Veit ekki hvoru okkar brá meira. Eitthvað var hann lemstraður greyið því hann gat ekki flogið burt heldur hoppaði hérna um allan garðinn þar til hann hvarf.

 

Ég verð vonandi nettengd í fríinu og set inn fréttir og myndir og eitthvað sniðugt.

Birgitta og co

Athugasemdir

[Marta (IP-tala skráð) 14.2.2008 kl. 12:16]

Ansi myndarleg á, eins gott að passa upp á krakkana sína.

[Sigga Þ. (IP-tala skráð) 14.2.2008 kl. 12:44]

Kvitti kvitt, og góða skemmtun í fríinu

[Edda (IP-tala skráð) 15.2.2008 kl. 11:04]

Góða ferð!  Þetta verður örugglega skemmtileg keyrsla.  Það er svo gaman að fara um Bandaríkin og sjá hvað fylkin eru ólík.  Gætið ykkar á skógarbjörnum í Virgina.  Svo byrjar "Suðrið" í South Carolina, er aðeins meira "Suður" í Georgia, og so on.  Ég átti í mestu vandræðum með að skilja þá sem eru með ekta "southern" hreim. Tom Fuller er bara hátíð miðað við suma.