Spring break eða A break from spring

Vorið er komið og grundirnar gróa...

Geggjað veður í Ardsley, NY - glampandi sól, fuglakvak, flugnasuð, blómstrandi tré og runnar, iðandi lækjarspræna, stuttbuxnaveður, fuglar liggja á eggjum og lífið er ljúft.

Og við ætlum að fara í Spring break til Íslands . Nágranni minn, hún Karen, hló dátt þegar ég sagði henni þetta og spurði hvort við þyrftum að fá smá break from spring . Svoldið flott hjá henni miðað við vorið hérna og vorið á Íslandi. Þau ætla til Argentínu og það er svolítill munur á því sem fer í töskurnar hennar - sumarföt, bikiní og sólarvörn, við pökkum niður öllum vetrarfötunum okkar, skíðaskónum og frostbitsvörn.

Ætlum svo reyndar að skilja öll vetrarfötin og skíðaskóna okkar eftir á Ísalandinu , lítil von til þess að þau verði notuð meira hérna.

Nú er komið svona skilti á lóðina hjá okkur:

Við erum búin að bóka gám 26.júní og flug heim 3.júlí - jeyyy . Ætlum að taka okkur smá "sumarfrí" í Atlantic City áður en við komum heim. Við verðum svo á þvælingi um Ísland fram í ágústbyrjun þegar við fáum gáminn og húsið okkar heima afhent.
Ég get þá hætt að vera grasekkja í Ammríku og farið aftur í að vera grasekkja á Íslandi .

Höldum heim á fimmtudaginn, vona að ég nái að hitta ykkur sem flest.

Takk fyrir allar afmæliskveðjurnar og símtölin, var alveg yndislegt að heyra í og frá ykkur .

Knús og kossar, Birgitta og co

Athugasemdir

[Sigga Þ. (IP-tala skráð) 16.4.2008 kl. 12:11]

Síðbúin afmæliskveðja frá mér... kíki orðið reglulega hér við, bara skemmtilegt að lesa bloggið þitt Birgitta, svona milli þess sem ég er að bera sauði í hnédjúpum snjó... ekki beint vorlegt hér heima eins og er, en hlýtur að fara að koma

[Edda (IP-tala skráð) 17.4.2008 kl. 08:53]

Góða ferð!

[Marta (IP-tala skráð) 17.4.2008 kl. 15:47]

Það er líka komið vor á íslandi, reyndar soldið grátt og kalt :P. En segi bara eins og Edda..

GÓÐA FERÐ!!!