Mörtuheimsókn

Við Marta ákváðum að þyrftum nauðsynlega á að halda húsmæðra- og lærdómsferð á Manhattan. Ég stakk því af um miðjan síðasta sunnudag, tékkaði okkur inn á hótel, settist með Löbbuna í fangið upp í rúm, lærði og beið eftir Mörtu.

Það virðist ekki ætla að ganga áfallalaust hjá henni að komast hingað, núna var seinkun og kraðak dauðans við immigration, bið eftir leigubíl og ég veit ekki hvað. Til að toppa þetta allt saman virkaði síminn hennar ekki svo ég hafði ekki hugmynd um hvað tefði hana svona og var komin á fremsta hlunn með að hringja ... eitthvert ...  þegar hún loksins birtist að verða 22.

 Það verður að viðurkennast að við vorum ekkert alltof duglegar að læra en þeim mun duglegri að versla. Við tókum okkur líka dekurdag þar sem við fórum í facial, mani- og pedicure hjá Mario Badescu - alveg geggjað! Fórum svo út að borða á Nobu, japönskum veitingastað sem er víst á 3 stöðum í NY. Við fórum á staðinn í Tribeca og ég hef nú sjaldan borðað eins mikið af bragðgóðum og öðru vísi mat.

Það fór eitthvað lítið fyrir lærdómi í Manhattan enda útiloka 'lærdómur' og 'Manhattan' eiginlega hvort annað. Við ákváðum því að kíkja betur á Sjón og hans ritverk hérna á Krossgötunni og njóta þess bara að vera í smá kellufríi. Komum hingað á þriðjudagskvöldinu, nokkuð vel klyfjaðar og kátar. Hérna sést Marta með afrakstur Manhattan ferðarinnar .

Á miðvikudeginum ætluðum við að vera voðalega duglegar að læra en eitthvað fór nú lítið fyrir því, það voru nokkrar búðir sem við þurftum nauðsynlega að kíkja aaaaaaðeins í hérna í hverfinu. Svo kom Óli Mörtu um kvöldið og þá gátum við auðvitað ekki eytt kvöldinu í lærdóm heldur spiluðum og kjöftuðum eitthvað frameftir.
Það var því með ofurmannlegu átaki á fimmtudeginum sem við rumpuðum saman 35% ritgerð og svei mér þá ef hún er ekki bara nokkuð góð  - það verður samt að koma í ljós síðar í sömu sögu.

Ég kvaddi Mörtu svo á lestarstöðinni seint um kvöld (voðalega rómantískt) og hún fór að hitta kallinn sinn niðrí bæ.

Fátt annað fréttnæmt héðan í bili,
knús og kossar í öll kot, Birgitta

Athugasemdir

[Edda (IP-tala skráð) 18.5.2008 kl. 13:01]

HAHA!  Mig grunaði að Marta væri vant við látin. 

Annars er mér farið að líða eins og einhverjum "stalker" hér.  Það má ekki koma færsla án þess að ég sé búin að "bæta við athugasemd".  Það er bara svo nauðsynlegt að fylgjast vel með öllu þegar maður er innilokaður að lesa skólabækur.  Ég skal vera til friðs eftir fimmtudaginn.  I promise.

[Birgitta, 19.5.2008 kl. 01:08]

Uss elsku frænka, ef það væri ekki fyrir þig - og oftast Mörtu - þá væri ég sko bara hætt að standa í þessu bloggeríi - alveg nauðsynlegt að fá staðfestingu á því að einhver nenni að lesa bullið í manni . Meina, hver er annars tilgangurinn?

[Marta (IP-tala skráð) 19.5.2008 kl. 12:29]

Jebb, við Edda erum í stuðningsliðinu - eða við ERUM stuðningsliðið. Langar bara að mótmæla einu, við vorum víst duglegar að læra :P

[María (IP-tala skráð) 19.5.2008 kl. 13:06]

Hæ Birgitta mín.

Ég fylgist alltaf með þér og les bloggið...en því miður léleg að kvitta......hummmm en það á nú við um fleiri ;-)
En hvað ég skil ykkur vel að hafa ekki nennt að læra meira þegar þið voruð staddar á Mannhattann....ég hefði sko ekki nennt því heldur. En haldið áfram að vera duglegar...heyrumst seinna

Kveðja María