Negrastrákarnir

Ég má til með að linka á áhugaverðan pistil Gauta B. Eggertssonar um Negrastrákaumræðuna.

Einn lítill negrastrákur

Ég man eftir að hafa lesið þessa bók sem barn og ekkert spáð neitt sérstaklega í því að strákarnir voru svartir, þeir hefðu alveg eins getað verið grænir, gulir, hvítir, múmínálfar, strumpar eða jólasveinar.
Ég man líka eftir því að þegar ég var lítil þá vissi ég ekkert hvað svertingi eða negri var. Ég komst ekki að því fyrr en síðar þegar ég var uppnefnd svertingi, niggari eða negri. Og ekkert endilega af börnunum í kringum mig, yfirleitt var það fullorðna fólkið sem skaut á mig svona skemmtilegum viðurnefnum.
Þegar ég var lítil var ekki það mikið um negrakrakka á Íslandi að fordómar fólks færu á flug.

Ísland í dag er öðru vísi. Það er hætt við að krakkar sem lesa 10 litlir negrastrákar í dag munu lesa hana með öðru hugarfari en þegar ég var barn. Þau eru líklegri til að tengja negrastrákana við krakkana í skólanum eða á leikskólanum sem eru ekki eins og þau á litinn.

Ég ætla samt ekki að tjá mig meira um þetta mál, hvet ykkur bara til að lesa pistilinn hans Gauta.

Þar til næst...

B

Athugasemdir

[Edda frænks (IP-tala skráð) 31.10.2007 kl. 21:35]

Gúlp.  Ég hef alveg misst af útgáfu þessarar bókar heima, þó mér finnist ég alltaf vera á mbl og fleiri íslenskum fréttasíðum.  Stórgóður pistill hjá Gauta og takk fyrir að vekja athygli mína á honum.  Þitt innlegg er ekki síður átakanlegt þó ég sé búin að þekkja þig nánast síðan ég fæddist.  Stundum langar mann bara að gefa öðru fólki sól í hjarta, svo því líði betur.  Og þá er ég að tala um fullorðna fólkið sem þú minnist á.

[Birgitta, 1.11.2007 kl. 14:20]

Sammála þér með sólina