Jahérnahér...

Your Career Type: Enterprising

You are engertic, ambitious, and sociable.
Your talents lie in politics, leading people, and selling things or ideas.

You would make an excellent:

Auctioneer - Bank President - Camp Director
City Manager - Judge - Lawyer
Recreation Leader - Real Estate Agent - Sales Person
School Principal - Travel Agent - TV Newscaster

The worst career options for your are investigative careers, like mathematician or architect.

What's Your Ideal Career?

Það er nú svoldið skondið að ég var Ferðaráðgjafi og er að læra kennarann - kannski ég stefni bara á skólastjórann...???  Annars alveg gjörsamlega sammála því að versti carreerinn fyrir mig væri stærðfræðingur eða þvílíkt - ojbarasta!!!

Þar til næst...

B

Undarlegir dagdraumar

Ástandið er orðið frekar slæmt þegar maður er farinn að sjá það í hyllingum að taka húsið sitt í gegn! Þegar mann dreymir dagdrauma um að rífa allt úr baðskápunum og henda og raða og þrífa. Og eldhúsið mæ ó mæ! Fullt af skápum sem hefur ekki verið tekið til í í háa herrans tíð mmmm. Geymslan og garðurinn eru svo The Icing on the Cake - geymi það þar til síðast, spara það svo ég geti látið mér hlakka til sem lengst.
Þegar ég verð svo loksins búin í prófunum gæti reyndar alveg verið að dagdraumarnir fari að snúast um eitthvað annað, eins og kannski að liggja í leti í heita pottinum, lesa á teppi í garðinum eða bara glápa á uppsafnaða hrúgu af Desperate Housewives, Lost og Greys Anatomy. Maður veit samt aldrei, kannski mun ég uppfylla þá dagdrauma í tandurhreinu og drasllausu húsi .

Þar til næst...

B

Bækur í blíðunni

Alveg er þetta týpískt! Sit hérna föst við tölvuskjáinn að lesa og glósa Félagsfræði og úti glampar sólin eins og henni sé borgað fyrir það. Það er sko 15° hiti í forsælu, þetta er einn af þessum dögum sem maður sér mesta lagi 2svar sinnum á ári hérna á Íslandi. Besta við þetta er að veðrið var svona í gær, verður svona á morgun og jafnvel fram á þriðjudag - við verðum semsagt búin með sólardaga næsta sumars líka ef þetta rætist. Sem er auðvitað týpískt því fyrsta prófið er á þriðjudaginn og ekki eins og ég geti fleygt mér í sólbað þegar því er lokið því þá tekur við lestur stærðfræðibóka "gubb,gubb".
Er að spá hvort ég eigi ekki bara að hætta lesa, fara í sólbað, ganga illa í prófinu og fá góðar einkunnir???

Þar til næst....

B

Einkunnir

Ég er í fagi sem hefur aldrei heillað mig - félagsfræði.

Ég hef alltaf upplifað það með félagsfræðina að mér finnst ég skilja hana rosalega vel en svo sýna einkunnirnar eitthvað allt annað. Ég ákvað því að ég kynni bara ekki þessa "félagsfræðilegu hugsun". Kynni ekki að setja á mig félagsfræðigleraugun og skoða heiminn með þeim.
Reyndar er félagsfræðin sem ég er í núna bara nokkuð skemmtileg, margir punktar sem ég hef virkilega pælt í og fundist áhugaverðir en það er ekkert nýtt, finnst það oftast með félagsfræðina.
Ástæðan fyrir því að hún hefur ekki heillað mig er sú að ég hef ALDREI fengið góðar einkunnir í félagsfræði. Mætti segja að þetta væri lærð skoðun - lélegar einkunnir í langan tíma hafa kennt mér að mér þykir félagsfræði ekki skemmtileg ;).
Svo er ég að lenda í því núna að ég er að fá GÓÐAR einkunnir í félagsfræði og ég á þær EKKI skilið.
Ég er búin að skila 2 verkefnum þessa önnina og búin að fá 9 fyrir þau bæði. Að mínu mati voru þetta verkefni upp á mesta lagi 7.
Í því fyrra ákvað ég að vísa bara nógu andsk... mikið í heimildir og er með 7 heimildir í tveggja síðna verkefni. Innihaldið var ekki djúpt....
Seinna verkefnið hafði ég engan tíma til að gera, það kom á tíma þar sem önnur fög áttu hug minn allan og ég rumpaði því af á nó tæm og skilaði. Innihaldið var eiginlega ekki það sem beðið var um í verkefnalýsingunni....

Ég veit eiginlega ekki hvort mér þykir verra - að fá lélegar einkunnir þegar ég býst við góðum eða fá góðar einkunnir þegar ég á þær ekki skilið....? Og nóta bene - verkefnin voru EKKI upp á 9.

Einhver félagsfræðigleraugu hlýt ég samt að hafa fundið og nú er bara um að gera að týna þeim ekki áður en ég fer í prófið...

Þar til næst...

B

Takk elsku litlu sys

Vildi bara sýna þér hvað ég er fín í nýja pilsinu mínu .
Ekki amalegt að hafa svona Personal shopper í útlandinu ;).

Og þar sem þetta er afmælisgjöfin mín frá báðum litlusystrunum þá segi ég bara smúúúúúúúúússsssssss á ykkur báðar .

B

Hávært barn...

Ég er ekki að grínast, ég HEYRI í dóttur minni í frímínútum í skólanum!
Samt eru alveg örugglega 1-2 kílómetrar þangað! Ég vissi að hún væri hávær en common! Þetta er ótrúlegt! Er ekki einhver glæst framtíð sem bíður barns sem getur látið heyra svona hátt í sér? Kannski óperusöngkona..?

Hún hefur alltaf verið svona þessi elska. Hún var ekki gömul þegar ég var beðin, af leikskólastarfsfólkinu, um að fara með hana og láta athuga heyrnina. Kannski svona 3ja ára. Og reyndar aftur þegar hún var 5 ára. Hún er með 100% heyrn - hún talar bara HÁTT. Það þýddi lítið að segja henni að nota inniröddina eða spariröddina, hún "talar bara svona".

En fyrr má nú aldeilis fyrrvera að ég heyri í henni úr skólanum...

Og hvaðan hefur barnið þetta? Ekki frá mér það er víst! Ég hef ömmu hennar í móðurlegg grunaða um að hafa verið ansi háværa á unga aldri en varla svona... Veit reyndar að amma hennar í föðurlegg var ansi stjórnsöm, og stundum hávær, en hef ekki heyrt neinar sögur að til hennar hafi heyrst um allar sveitir.

Best að láta hana ekki vita að ég heyri til hennar úr skólanum. Heyri alveg til hennar garga á mig ef eitthvað kemur uppá....

B

Örlögunum storkað

Eða réttara sagt veðurguðunum.
Ég ákvað nefnilega að gerast svo djörf að hengja þvott ÚT á snúru! Er að vona að veðurguðunum verði ekki litið niður í garðinn minn næsta sólarhringinn - því eins og allir vita er sólarhringur bara eitt lítið augnablik í lífi veðurguða svo það hlýtur að teljast ansi mikil óheppni ef þeir líta í garðinn MINN akkúrat það "augnablik" sem þvotturinn minn hangir útá snúru.

Ég veit nefnilega fyrir víst að ef veðurguðirnir sjá eitthvað hangandi á snúrunum mínum þá fara þeir um leið í leik sem heitir Hver er fljótastur að gegnbleyta, koma oní mold, feykja burt eða gaddfrysta þvottinn hennar Birgittu. Þetta er hin besta skemmtun veðurguðanna og sem stendur hefur Regnguðinn vinninginn með gegnbleytunni. Sé líka að hann er þarna að laumupúkast í skýi fyrir ofan Heiðrúnu og Vífilfell en ég er að reyna að fá Sólarguðinn til að hjálpa mér með því að halda Regnguðinum á snakki meðan Vindguðinn feykir honum niður í bæ.

Úbbossí... Þeir sáu okkur!  Bæði Rok og Regn eru á fleygiferð hingað! Farin! Að bjarga þvotti!

Þar til næst...

B

Geggjaður kjúlli

Ég veit ég á að vera að læra en verð að deila með ykkur alveg geðveikum kjúklingarétti sem ég gerði á föstudaginn.

3 kjúklingabringur - skinn- og beinlausar og skornar í frekar smáa bita.
1 stk piparostur - þessi kringlótti
1 ferna matreiðslurjómi
1/2 laukur
1/2 bakki sveppir

Þú byrjar á að gera mömmusveppasósu. Hún er svona:
Brytjar sveppi og lauk smátt og steikir í potti (best að steikja í smá smjöri) þar til laukurinn er mjúkur.
Hellir ca 1/2 af matreiðslurjómanum útí pottinn, skerð piparostinn í bita og setur útí. Bætir kannski meiri rjóma útí þegar þetta fer að malla - ég notaði ca 3/4 af matreiðslurjómanum í réttinn. Kryddar með smá Sauce bullion og lætur malla þar til osturinn er nokkurn veginn bráðnaður.

Meðan sósan er að malla steikirðu kjúllann á pönnu í ólífuolíu þar til kjúllinn er gegnsteiktur.  Kryddar (svoldið vel) með hvítlaukssalti
Hellir sósunni í eldfast mót, setur kjúllann útí og fullt af osti yfir.
Setur svo inn í ofn í ca 20-30 mín eða þar til osturinn er vel bráðnaður.

Þetta bar ég svo fram með spaghetti og fullt af klettasalatblöndu með fetaosti, púrrulauk og ristuðum furuhnetum.

Þetta var alveg hryllilega gott. Börnin borðuðu þetta öll með bestu lyst og við Gummi lágum afvelta :).

Læt þetta duga í bili - stærðfræðin kallar...

Þar til næst...

B