Nanana búbú

Ég verð nú að segja að ég er sammála því að við Íslendingar séum að gefa alþjóðasamfélaginu fingurinn.
Ég myndi alveg styðja hvalveiðar ef þetta væri eitthvað sem skipti okkur máli en ég held að það eina sem við höfum uppúr þessu sé neikvæð umfjöllun og leiðindi.

Mín tilfinning er sú að þetta séu eins og litlir krakkar - ég má'idda víst! Ætla bara samt að ger'idda!
Nanana búbú!

Ég held að ef maður horfi í peninga sé hægt að græða margfalt meira á hvalaskoðun en á hvaladrápi. Hvaladrápið getur aftur orðið til þess að túristarnir sem koma hingað til að skoða hvali eða Gullna hringinn eða annað, hætti bara við og fari eitthvað annað.

Ég sé alla vega ekki tilganginn með þessu, kannski getur einhver upplýst mig um hann?

Þar til næst...

B

Fjallað um hvalveiðar Íslendinga í fjölmiðlum víða um heim

Athugasemdir

[Marta (IP-tala skráð) 23.10.2006 kl. 10:49]

Sammála þér Birgitta! Er ekki bara nóg að komast í fréttirnar fyrir að eiga flottasta kvenfólkið...

[Bjöggi (IP-tala skráð) 23.10.2006 kl. 11:40]

Ósammála þér Birgitta! Ég fagnaði mikið þegar ég frétti af því að hvalveiðar skyldu hafnar að nýju. Þar lauk áralangri kúgun þjóða heimsins á okkur eyjaskeggjum.

[Birgitta, 23.10.2006 kl. 11:54]

Hvaða kúgun? Væri alveg til í að kalla þetta kúgun ef við værum að tala um eitthvað sem er lífsspursmál fyrir þjóðina, eða bara eitthvað sem skipti einhverju máli. Get ekki betur séð en að þetta hafi engin áhrif á afkomu þjóðarinnar. Ekki nema neikvæð áhrif.

B

[Sigurjón, 23.10.2006 kl. 12:49]

Hvaða neikvæð áhrif? Ég hlakka persónulega mikið til að éta hvalspik aftur og gæða mér á hvalkjötsréttum.

Kúgunin felst í að stjórvöld í öðrum löndum gera sér far um að hóta okkur vegna máls sem þau hafa augljóslega ekki mikla þekkingu á.

[Birgitta, 23.10.2006 kl. 13:04]

Neikvæðu áhrifin verða væntanlega mest á ferðamannaiðnaðinn. Gætu líka orðið einhver á útfluttum vörum.

Finnst þetta ekki réttlætanlegt fyrir örfáa aðila sem langar í hvalkjöt á diskinn sinn.

B