Prófbarlómur

Mikið er óþægilegt að fara í mörg próf með stuttu millibili.
Það tekur alveg prófdaginn að ná efninu úr sér og tæma hugann þannig að maður eigi séns á að læra eitthvað annað.

Ég var í íslenskuprófi í morgun - Talað mál og framsögn. Góður hluti prófsins fór í hljóðritun og það fóru ansi margar stundir síðustu daga í að æfa sig í að hljóðrita allt mögulegt og ómögulegt.

Næsta próf er svo stærðfræði og þar sem prófið er á föstudaginn er lítið hægt að slæpast, heldur þurfti ég að vaða beint í stærðfræðina á fullum krafti í dag.
Þetta gengur ekki gæfulega. Stend mig að því að hljóðrita allt. Það er sko alveg hægt að hljóðrita "breyttu lotubundna tugabrotinu 0,783783 í almennt brot"!!

Vona að ég verð sneggri að losna við stærðfræðina. Næsta próf - á mánudag - er Inngangur að uppeldisvísinum sem er eiginlega heimspeki.
Yrði glæsilegt ef ég færi að reikna út heimspekikallana .

Platón deilt í Pestalozzi mínus kvaðratrótin af Fröbel sinnum Kerchensteiner jafntog saga skóla og menntunar?
Veit ekki...

 

Þar til næst...

B

Athugasemdir

[Ólafur fannberg, 12.12.2006 kl. 22:25]

nóg af prófum en þú getur þetta

[Marta (IP-tala skráð) 13.12.2006 kl. 09:57]

 Mundi ekki vilja mæta þessum í myrkri! Sérstaklega ekki þessum no.2 (sem er reyndar ótrúlega líkur kennaranum okkar þegar vel er að gáð..)

[Birgitta, 13.12.2006 kl. 10:32]

OMG Marta! Þeir eru bara alveg eins! Örugglega forfaðir hans!!!
Og þetta er Pestalozzi btw .
Þið hinir - takk fyrir peppið .
B

[McHilla (IP-tala skráð) 14.12.2006 kl. 17:43]

Hæ darling B.

Gangi þér alveg hrikalega vel í þessu öllu!

Hlakka til að sjá þig soon!

Hilla

[Birna M, 14.12.2006 kl. 20:24]

Kvittkvitt og gangi þér vel