Tívolítækin

Ég er ennþá með þessi blessuðu tívolítæki í maganum.
Næ bara ekki af hvaða hvötum fólk sest upp í svona tæki...  Meira að segja móðir mín góð fékk hroll af því að heyra sögurnar og þá er nú mikið sagt!!!  Hún er spennufíkill númeró únó!

Einn ferðafélaganna fór í eitt tækjanna, þetta sem er ofan á miðjum turninum þarna efst á myndinni, og er svona freefall tæki. Þú þeysist semsagt á ofurkrafti beint upp í loftið og fellur svo niður á ógnarhraða - þyngarafl og svei mér þá ef þeir bæta ekki togkrafti í þetta líka...

Alla vega þá er byrjað á því að setja bleyju á öll sætin. Bleyju! Sem segir manni kannski bara í hnotskurn hvers konar geðveiki þetta er...
Þessi ferðafélagi minn settist í tækið og skýst upp.
Voða gaman.
Man svo ekki meir.
Fann þegar hann kom niður að hann hafði slefað.

Er þetta heilbrigt?

Mundi eftir því að þegar ég var í Vegas í fyrra þá heyrðum við af manneskju sem festist í einu tækinu þarna uppi.
Í þrjá klukkutíma!
Gerðum einmitt grín að því að þetta væri pottþétt eina manneskjan sem færi rík frá Las Vegas...

 Annað tækið er svona eins og rússíbanavagn sem skýst 3-4 metra út í loftið. 
Þú þeysist semsagt á fullum krafti út yfir borgina... Við erum að tala um strekkt andlit og hárið sleikt aftur...
Og hvað ef eitthvað klikkar? Ég bara spyr...

 

 

Síðast en ekki síst var þetta tæki sem er ekkert minni geðveiki en hin 2.
Kannski er ég bara svoddan hrikaleg mús í mér en ég ýki ekki () þegar ég segi að ég hafi verið hálf-kjökrandi þegar ég stóð þarna og horfði á fólkið og hlustaði á öskrin.
Ég gat alla vega ekki fundið oggupoggupínkuponsulitla þörf hjá mér til að prófa þetta.
Hefði langað jafn mikið til að skera af mér hægri handlegginn með bitlausum hnífi - og það er ekkert grín! Hefði örugglega verið auðveldara fyrir mig en þetta...

En Vegas er samt frábær  - bara snilldarborg! Algjörir öfgar á alla kanta og maður er eins og lítið barn, glápandi upp í loftið og útum allt.
Meina, bara hótelið sem við gistum á er heilt póstnúmer!
Hversu mikil geðveiki er það?

Mæli með þessu fyrir alla! Að minnsta kosti einu sinni um ævina! En sleppa tækjunum ofan á Stratosphere...

Þar til næst...

B

Jet lag...

Jæja, þá er maður kominn heim frá útlandinu og svona rétt að skríða saman.
Þetta er rosalega langt ferðalag, á útleið flugum við gegnum Minneapolis, við Hellisbúinn stoppuðum reyndar þar eina nótt og kíktum á leikritið Triple Espresso sem er ferlega fyndið stykki.
Ég reif mig svo upp eldsnemma næsta morgun (klukkan 5) og rauk út á flugvöll. Hellisbúinn varð eftir í Minneapolis og fundaði með Triple fólkinu en kom síðar sama dag.

Við eyddum svo tímanum í Vegas við að liggja í algjörri leti við sundlaugabakkann, sötrandi Pina Colada eða Margarítur, röltandi á milli hótela eða kíkjandi í búðir. Við borðuðum gúmmelaði á hverju kvöldi og amerískt morgunverðarhlaðborð á hverjum morgnu *slurp og slef*.
Sá veitingastaður sem stendur uppúr eftir þessa fer heitir Top of the World sem er í hóteli sem heitir Stratosphere og er 109 hæða hátt. Efst á turninum er svo útsýnispallur og tívolítæki - já, tívolítæki!  Þvílíka geðveiki hef ég aldrei á ævinni vitað! Það lá við að ég væri kjökrandi þarna uppi að horfa á fólkið í tækjum sem skutust útí loftið hundraðogeitthvað hæðir uppi í loftinu - bara bilun!

Heimferðin tók líka á, þá var maður rétt að komast inn á Vegastíma og þurfti að rífa sig upp 6 um morguninn, fljúga í 3 tíma yfir til Minneapolis, bíða þar í rúma 4 tíma og fljúga svo í 6 tíma heim. Og klukkan orðin 6 að morgni þegar við lentum hér. Ég geri mér ekki alveg grein fyrir hversu margar nætur ég er í skuld en líður eins og þær séu nokkuð margar...
Það var nú ekki svona gott hjá Hellisbúanum, hann flaug frá Vegas til New York, stoppaði þar í 2 daga, svo yfir til Chicago í 2 daga og þaðan til Munchen í 3 daga. Kemur svo heim á sunnudaginn og stoppar vonandi í nokkra daga .

Ég hef svosem nóg að gera, mín beið lærdómur heillar viku svo nú verður heldur betur að bretta upp ermarnar!

Ég er því dauðþreytt grasekkja á kafi í skólabókum!

Þar til næst...

B

Aumingjans fólkið...

Þetta hlýtur að hafa verið skelfileg lífsreynsla!
Ég vona að skólinn hafi skaffað áfallahjálp fyrir nemendurna fyrst það "fékk svona á þá" að sjá þetta.
Ég hef aftur á móti alltaf haft gaman að kennurum sem "brjóta viðmið" og það má segja að þessi hafi heldur betur gert það .

Þar til næst...

B

Háskólakennari kærður fyrir að afklæðast í tíma

Hléæfingar - algjör snilld

Ég er búin að prófa þetta og mæli með þessu fyrir alla.

Ég hlóð niður þessu forriti og á 45 mín. fresti poppar forritið upp á skjáinn hjá mér og leiðir mig í gegnum 5 teygjuæfingar. Þegar maður situr við tölvuna marga tíma á dag er þetta kærkomin tilbreyting og svei mér þá ef ég er ekki bara öll liðugri eftir þetta. Er alla vega laus við svona tak í öxlum og herðum eins og ég fæ svo oft eftir langa setu.

Ætla að smella þessu á tölvur barnanna líka - mæli með þessu fyrir alla sem sitja lengur en klukkutíma í senn við skjáinn.

Þar til næst...

B

Hléæfingaforrit fyrir tölvunotendur til ókeypis niðurhals á netinu

I am a Travel Agent - til elsku fyrrum starfsfélaga minna :o)

I AM A TRAVEL AGENT!!
I am a travel agent....I have advance degrees in accounting, public relations, marketing, business building, computer science, civil engineering, and Swahili.
I am a travel agent....Of course I remember the reservation you booked six years ago, even though you don't have a confirmation number and you think it was made under a last name that begins with a T.
I am a travel agent....It' s no problem for me to give you seven connecting non-smoking poolside suites with 2 king beds and 4 rollaways in each, and yes, it is my fault that the hotel does not have a helicopter pad.
I am a travel agent....I speak all languages and have visited Every destination.
I am a travel agent....It' s obvious to me when you book your reservation for Friday, you really mean Saturday.
I am a travel agent....My company has entrusted me with financial information, and yet I can't tell you why your hotel bill for March 1989 had a .50 per phone call because, of course, you shouldn't have to pay for calls.
I am a travel agent....I understand that Joe Blow Ltd. is a vast empire and will make or break my agency.
I am a travel agent....Yes, I am lying when I say there are no seats left at the lowest price during Spring Break, Thanksgiving or Christmas.
I am a travel agent....No, it's not a problem for me to quickly construct several more guest rooms at the hotel you want, and this time I will not forget the helicopter landing pad!
I am a travel agent....I am capable of checking fares for three people, taking five reservations and answering fifteen calls simultaneously.
I am a travel agent....I always know where to find the best vegetarian,kosher, and Mongolian barbecue restaurants.
I am a travel agent....I know exactly what to do in all cities without spending money.
I am a travel agent....I take responsibility for airline food, traffic jams, rental car flat tires, weather, hotel locations, and the national economy.
I am a travel agent....Of course I can fit you into the hotel at the special corporate rate because you are affiliated with the Blackburn North Lawn Bowling club.
I am a travel agent... I am never offended when I spend 10 hours researching a 12 day Europe itinerary only to hear you say you "I booked it myself over the internet and saved $30 !!!" I also never gloat when you call back to say the rate was sold out or that you are stuck in the middle of nowhere since they cancelled your flight and you cannot "call" your
internet provider to be protected on another flight.
I am a travel agent... I love when people walk up to me at parties and out of the blue expect me to know the latest airlines fares from Melbourne to Ibiza via Byron Bay, the Maldives and Nairobi "off the top of my head".
I am a travel agent... I love that everyone assumes I get to travel everywhere for free and when I do get to take advantage of a perk people act like it is a sin against nature. If you ask me to get you the rate at my "travel agent discount" I will kill you.
I am a travel agent...Don' t bother telling me any dates or cities since I am a mind reader and already have the reservation in my crystal ball before you can tell me.
I smile, empathize, sympathize, console, cajole, up-sell, down-sell, cross-sell, perform, sing, dance, make coffee and fix the printer.....
........ I AM A TRAVEL AGENT!!!

 

What happens in Vegas... stays in Vegas...

Jæja essgurnar, þá er ég flogin á vit ævintýranna í Las Vegas ásamt Kynsystrunum og mökum.

Á Planinu er gambling, letilega við sundlaugabarinnbakkann, kík á sjóv, kík í búðir og bara kík á þetta Disneyland fullorðnafólkisns.

Læt fylgja með mynd af hótelinu sem við gistum á - ekki amalegt ...

Verst að hljóðfræðin þurfi að koma með...

Þar til næst...

B

Hvað með lögregluna?

Hvað með aumingjans mennina sem þurfa að fara í gegnum tölvurnar og horfa á kannski einhverja klukkutíma af klámefni?
Kannski barnaklám af verstu sort?
Fá þeir áfallahjálp?
Mér finnst ekki hægt að bjóða fólki upp á að verða að horfa á einhvern viðbjóð en hvernig á annars að komast að því hvort þetta fólk sé sekt?

Ég fæ alveg gæsahúð við tilhugsunina...

B

Víðtækar aðgerðir hjá lögreglu í tengslum við vörslu barnakláms

Nú, ég hélt að franskar konur fitnuðu ekki?

Nema þetta séu bara karlmenn? Þriðjungur þjóðarinnar of feitur myndi þá þýða nánast allilr karlmennirnir - púff, ekki er það nú kræsilegt.
Offitan virðist helst "hrjá" láglaunafólk skv. fréttinni. Það er nú orðið frekar hræðilegt ef heilbrigt líferni er munaður þeirra betur settu.
Samt virðist það vera þannig.
Það er dýrt að fara í líkamsrækt.
Það er líka tímafrekt að fara í líkamsrækt, hugsið t.d. einstæða móður sem vinnur í verslun í Kringlunni frá 10-18 og aðra hvora helgi. Hvenær á hún að hafa tíma?
Hún getur auðvitað farið í labbitúr með afkvæmin eða sund en oft er það nú þannig að það er margt sem bíður manns þegar maður kemur heim úr vinnunni og lítil orka og/eða tími í annað en að sinna því.
Fyrir utan hvað hollur matur er dýr. Af hverju er hollur matur svona mikið dýrari en óhollur?
Mataræði minnar fjölskyldu batnar í beinu samræmi við fjárhaginn, við erum farin að hafa efni á því að borða hollt.
Það þarf eitthvað að skoða þessi mál þegar offita er orðin alvarlegra vandamál en alnæmi.

Þar til næst...

B

Þriðjungur Frakka of þungur

Ótrúlega ýktur kvenleggur

Athygli mín var vakin á því um daginn að ég ýki all svakalega. Ég segi varla frá neinu án þess að ýkja, skreyta og færa í stílinn. Ég veit ekki hvort þetta er kostur eða löstur, sögurnar verða jú mun magnaðari (og vonandi skemmtilegri) svona ýktar en það gæti verið furðulegt fyrir þá sem ekki þekkja mig og vita ekki að mér ber að taka með ákveðnum fyrirvara.

Annars komst ég að því að þetta er hæfileiki sem erfist í beinan kvenlegg. Móðir mín er svona, systur mínar eru svona og dóttir mín er orðin mjög fær í þessu - "Árni er ALLTAF að trufla mig", "Þú vilt ALDREI gefa mér nammi", "Ég má ALDREI gista hjá vinkonu minni". Gott ef móðuramma mín er ekki svona líka... Látum það liggja milli hluta.
Þið getið rétt ímyndað ykkur hvernig það er að vera í matarboði með áðurgreindum kvenlegg... Orð eins og Aldrei, Alltaf, Rosalega, Svakalega, Risastór, Milljón sinnum og þar fram eftir götunum eru mjög algeng. Það er t.d. ekki mikið að gera hjá téðum kvenlegg hann er að DRUKKNA. Húsin þeirra eru ekki óhrein, maður kemst ekki inn í þau án þess að moka sig gegnum skítafjall. Eiginmennirnir eru annað hvort vanvitar eða snillingar, hefðir skapast eftir eitt skipti og þar fram eftir götunum.

Ætli það sé vegna þessa sem ég er svona skipulögð? Það er alltaf svo rosalega mikið að gera hjá mér - þarf að klífa þvottafjöll, elda ofaní milljón manns, læra úr þúsund bókum á dag, þrífa hundrað hæða hús - að ég hlýt að þurfa að skipuleggja allt voðalega vel svo þetta gangi allt upp.

Þar til næst...

B

Lífið eftir Rockstar

Það er nú hálfger tómleikatilfinning í mér þegar þetta allt er búið. Kannski frekar mikil bilun að mig langar fullt að vita hvað er að gerast hjá þátttakendunum í dag - væri alveg til í reality show um hvað tekur við hjá þeim eftir þáttinn. Munu Lukas (eða mini Lee eins og einhverjir kalla hann) og Tommy Lee ná að syngja og spila eða verða þeir bara djammandi útí eitt? Mun Toby ná að verða frægur með bandinu sínu? Mun Magni gerast meðlimur í Húsbandinu? Endar Dilana í spennitreyju á hæli einhvers staðar? Hvað verður um Storm? Mun Ryan fótbrotna við að detta niður af hátölurum á sviði í miðjum tónleikum? Og þar fram eftir götunum....

Jæja, þýðir víst lítið að velta sér uppúr því. Það er margt spennandi framundan - ekki síst hljóðfræði! - svo ég get bara hlakkað til að lifa mínu eigin lífi framvegis .

Þar til næst...

Birgitta - í pínulitlum fráhvörfum